བོར་སྟོར།
གངས་མེ་སོན།(ཡུལ་ཤུལ།) 

སྙིང་ཉེ་བའི་མི། 
ཉི་ཟླ་དང་ཁ་ཐག་ཐུང་ཞིང་། 
གྲོང་ཁྱེར་དང་རྒྱང་ཐག་རིང་བའི། 
སྒེའུ་ཁུང་ངོས་སུ་ཕོག་པའི་ཉི་ཟེེར་དེ། 
དྲོད་འཇམ་དང་བརྩེ་སེམས་ཨེ་འདུག 
གོ་ཐོས་སུ།
ཁྱོད་རང་ད་ལྟ་རྗེས་དྲན་བྱེད་དགའ་བའི་མི་ཞིག་གྱུར་བཞིན་འདུག་ཟེར། 
ང་རང་ཕ་ཡུལ་གྱི་ཆུ་འགྲམ་དུ་ལངས་ནས། 
ཕྱིར་མིག་ཀློང་གི་ཁྱོད་ལ་བལྟས་པ་ཡིན།
ངའི་ཡིད་ལ་ལོ་ཡར་སྔོན་གྱི་ཁྱོད་ཉིད་དྲན་བྱུང་།
དེ་དུས་ཀྱི་ཁྱོད་ནི་རྨི་ལམ་ཡོད་པའི་མི་ཞིག 
དེ་དུས་ཀྱི་ཁྱོད་ནི་སྙན་ངག་འབྲི་དགའ་བའི་མི་ཞིག 
དེ་དུས་ཀྱི་ཁྱོད་ནི་མི་རིགས་ཀྱི་ལས་དབང་ལ་སེམས་ཁུར་བྱེད་དགའི་མི་ཞིག 
སྙིང་ཉེ་བའི་མི། 
ངས་ད་སྐབས་ཁྱོད་རང་ཧ་ཅང་དྲན་བཞིན་འདུག 
ཁྱོད་རང་ཡུལ་དུ་སླེབས་མི་ཐུབ་པའི་ས་ཆ་དེ་ནས། 
སུ་དྲན་བཞིན་འཆིས།
Subscribe to བཟོད་པ་གཡུ་ལོ།
Receive the latest updates directly to your inbox.
Mint this entry as an NFT to add it to your collection.
Verification
This entry has been permanently stored onchain and signed by its creator.