Tony: 約半年前寫左3篇關於NFT 總共約2萬字的文章，因為計劃趕不上變化關係，當時默默收藏喺資料夾無發佈出黎。但花左大量精神時間去寫的文章就唔好浪費左佢。呢半年期間NFT同市場都發生唔少變化，但掌握NFT本質脈絡後，對新NFT項目也可更容易知道該怎樣分析，同時為自已思考和想對NFT有更多了解的朋友留下足印
我第一次喺mirror 出文，在這重新排版，後記補充番現在的感想。Let’s enjoy..
好多人都有玩過NFT, 唔通個個都識得玩NFT咩。 NFT俾人感覺就係幾千蚊買張圖返黎， 除左喺social media 擺出黎炫耀一番外就沒什用處。 如果咁諗ge 話， 對NFT 仍停留在最表面了
有留意新聞的話， 而家好多大公司LV, Gucci, Nike都有進軍元宙同推出自家NFT, Jacob＆Co的CEO Benjamin Arabov 表示確信未來NFT產品將會在手錶和奢侈品領域佔有一席之地。我地點樣喺可以大公司開始入場做緊野時， 跟上步伐了解NFT? 今次內容我會用簡單直白黎講NFT 的本質(元宇宙遲d另擇篇幅再講), 重要ge 係， 我地黎緊文章會講必需學習同點樣選擇同分析NFT
坊間對NFT的誤解: 不只是一張圖片
1.大眾一直對NFT 一直都有誤導性的諗法， 話NFT就係一張圖片，除左放喺social media 之外就沒用處。坊間亦有名人係直接copy NFT 張圖到自己帳戶上就算。加上NFT 如雨後春荀，好似任何人都可出NFT 來吸引你去買。
2.NFT跟crypto 一樣，現實裡的確存在大量垃圾NFT，幣市熾熱時只要畫幾款圖，用programme gen 幾千張唔同combination 就可推出黎賣， 張圖核突到爆都可以賣到幾百萬volume. 賣完後就rug pull (即執包伏著草走佬咁解) , 仲要呢喺項目中佔左唔少比例。
3.首先要知道的是，如果只係求其出隻NFT，係同起一間新公司一樣都係無咩門檻很容易就可做到的。現實係好多大公司，技術團隊亦投入開發自己的NFT。 呢幾年NFT亦不斷創新，從最早期crypto kitties, crypto punks 到知名ip 如NBA Top Shots, Matrix , PFP (profile picture) 到gameFi, IP結合，藝術品/資虛碎片化擁有權等。
4. NFT 都係好似公司咁，可以不斷有收入番數，令團隊可以持續發展佢地喺roadmap(項目路線圖) 承諾的目標。
5.NFT 有趣的地方係，除左作為消費品，如你很喜歡無聊猿（BAYC) IP 和藝術風格，你可將買下來作為收藏品； 如果你看好將來發展會有更好收入模式出現，你可以作為投資者/持份者黎持有。(NFT 而家最多人用區塊鏈係solana 同埋eth, 下篇文章會講一下呢兩條鏈上有咩項目)
NFT跟傳統股票的分別(1): 每個NFT 都是非同質化
6.講左咁多，咁NFT 同我地平時買股票，例如買一手騰迅又有咩分別呢? 買股票我地係一手一手咁買，而你買ge 一手股票，同我手頭上ge 一手股票都係一樣的，無分別。每股價錢一樣，都係同等，等值的，就算交換都無影響。
7. NFT本身每個都係獨一無二的，每個NFT 都有自己隨機生成的獨特的五官，服裝，顏色特征或標記。一個NFT系列有1000隻ge 話，就1000隻都唔同。NFT好似我地打機抽蛋咁，每一隻有唔同value 同rarity 珍貴程度，大部分NFT 都係common, rare. 而只有少部分NFT 屬於Epic, Legendary, 可以賣出更高價
8.視乎每一個NFT 項目不同，越稀有越珍貴的NFT, 項目方通常會給多點待遇，如IP周邊產品可獨家享有，參加線下聚會等。項目方將來發行自己crypto 時，珍貴的NFT 可獲得更多utility 或governance tokens
9.除此之外，賦能仲可以喺好多唔同方面表現出黎。我地買NFT同買股票一樣，可以未發行時己IPO 認購(NFT 講法叫minting)，或直接喺二手市場購買。NFT 其中一大賦能係一些熱門NFT, 平時幾乎無可能抽到minting 認購機會，出面太多人搶whitelist (即內部預定一定可以用成本價認購ge 意思).
10.如果你持有NFT, 尤其係優質項目NFT, 佢地會有內部一定數量whitelist 名額俾NFT 持有者, 咁你就可第一時間了解到其他有potential ge 項目，同埋唔使喺出面同人爭。如果你有嘗試過搶whitelist , 你會發現你需要做一大輪任務如拉人like twitter 同入discord, 要喺社群有貢獻，團隊覺得你ok 先會俾名額你。Which is 係非常花時間活動黎 。
11.持有稀有名額，whitelist 份額或有whitelist 機會會大大增加。如果你本身持有的是藍籌NFT, 那提供whitelist俾你的NFT, 有更大機會係優質NFT項目。
12.原因好簡單，一黎新出NFT 嗰邊都覺得藍籌NFT ge 持有者更優秀，俾佢地做early adopters 有更大影響力幫他們喺NFT 圈子傳開去;
13.二黎項目方都會對提供whitelist 項目方進行篩選，佢地都唔想俾差ge NFT 項目影響到佢地ge 格調，太粗劣項目直接ban 掉了
(後記： 目前NFT市場在熊市氣氛好差，就算優質項目whitelist 都登記滿了人，公開發售時只有一小部分人會買會mint。這情況要等宏觀經濟情況好轉，NFT 市場有資金流入時才會改善）
NFT跟傳統股票的分別(2): 社群
14.你揸股票ge 話，好多時你都係自己研究或朋友介紹就買，你無一個好好渠道去認識同樣買入持有股票的人去交流。NFT 一個唔同地方係佢係一個好著重交流，好著重社群的地方
15.當你走入NFT 項目方discord 時，你會發現咩人都有。有興趣了解但仍在觀察的；剛剛買入NFT 的； 持有大量NFT 的大佬們； 同埋團隊你都可以搵到。你有什麼問題，都可以喺裡面直接講直接建議討論。
16.通常買左NFT 後你就會有rights 去進入持有者的私人channel. 點解藍籌NFT 會值錢，以bayc 為例好多明星名人Justin Bieber, NBA 球星 Stephen Curry 都持有bayc。你可以喺頻道裡跟佢地直接交流，直接聊天，什至在聚會裡見面。
17.只要持有NFT, 社群裡都一視同仁，你可以結交到平常生活絕沒可能認識到連繫到的人。呢喺web3 前的世界係難以想像的。NFT俾左買家一個社群團體的象徵，而持有NFT可享有社群獨有的特權同未來發展福利。
18.傳統社會強調ge 係公司— 職位— 資歷，你係邊一間大公司工作，爬到上管理層做左好多年，人們就睇得起你。
19.Web 3 世界人們都不睇你來歷(因為web3 裡好多人都係匿名) , 一個14,5歲小孩可能比你和我都要更熟悉這個項目，佢一直喺社群付出比明星還要多(我真係見過，香港ge 區塊鏈知識係嚴重落後的) . 所以重要的係你喺邊一個圈子，係邊個角色，做過咩野。
20.傳統人際關係係top to bottom, web 3 係一個新興行業，同埋因為匿名特性，人際關係方式反而係bottom up咁去建立.
NFT跟傳統股票的分別(3）: 不可篡改的擁有權和NFT 資訊
21.NFT 擁有權資訊係建立記載喺區塊鏈上，所以不存在傳統公司有人為喺內部伺服器惡意修改擁有權資料或伺服器壞掉導致資料損失的情況出現。
22.NFT擁有權的建立，修改，刪除資訊都可以記錄喺區塊鏈上。而由於佢不可篡改的特性可以絕對確保所有確係正確的，同埋所有權的變更可以快速地進行，加上區塊鏈匿名性的特質，呢衍生了大量新的商業模式出現。
23.舉個例子，平時我地買二手樓，需要簽一大堆文件核實雙方身份，委託律師樓，銀行作中介處理法律和轉讓擁有權，要慢長程序才可完成。因為要確保當中資料正確，審查帳戶需要大量時間。
24.區塊鏈獨特地方在於只要確保到資訊上載到區塊鏈前係正確，鏈上的身份資料根本難以偽造，無得出術。所以有條件做到去中介的商業模式，解決需要第三方的信任問題。
25.好似藝術品咁，NFT 可以確保藝術品係真貨正版，原裝係無得做偽拷貝的，令藝術品保持有價值的稀有性。藝術品透過NFT 技術，唔需要經拍賣行繁複買賣過程都可以轉讓到俾人。
26.可能有人會話其他人可以copy , share 張藝術品圖片姐。但佢咁做只會做到形式，唔會攞走到NFT實際價值。NFT 持有人仍保持原本真正藝術品的擁有權，保留商業用的權利。
26.可能有人會話其他人可以copy , share 張藝術品圖片姐。但佢咁做只會做到形式，唔會攞走到NFT實際價值。NFT 持有人仍保持原本真正藝術品的擁有權，保留商業用的權利。
27.區塊鏈另一獨特地方在於鏈上數據都係公開可以查閱到的。NFT 創作人資訊，之前成交價同成交次數，幾時轉過手，全部公開透明，無得做假。
NFT用處一: 數碼藝術品
28.NFT能夠將在區塊鏈上標記實體藝術品，或是數位資產的數位擁有權，並消除中介可能的交易中介商。所以 NFT出現有會大大加快整個轉讓擁有權過程的市場效率。
29.而家其中一新商業應用方式係將藝術品，實體資產持持有權用NFT 形式來分割持有權 (我地會叫fractional NFT)。傳統股東身份轉讓要簽文件又費時失事，但透過買賣NFT 黎轉讓持有權成件事就簡單多了
30.藝術品的價錢昂貴，並不是一般人承擔得到。如果將佢分割開到幾千份NFT，每個NFT咁持有相應份數股，咁大眾都可進入到藝術品市場去投資了。香港亦已有新創公司推出相關項目。
31.除左數位擁有權外，NFT可以係指喺網上，完全數碼化左的藝術收藏品 Digital Art, Crypto Art。互聯網而家越黎越發達，對現代人黎講，有收藏記念價值的東西己不再限於現實生活。
32.例如大家喺網上成日見到ge meme 柴犬，網友都會經常改圖做2次創作meme, 係一個網絡文化上好有記念價值的迷因惡搞。去年以400萬美元金額拍賣價成交。
33.美國數位藝術家Beeples 的作品"Everydays: The First 5000 Days" 在2020年未在住士得以及6900萬美元價格售出。Beeples從2007年開始每日都會創作新數碼畫作，從不間斷。在這13年時間，用到5000 張畫作成就了呢張作品
34.咁數碼藝術品有什麼好處? 對買家黎講，有些數碼藝術品創作者，甚至會贈送對應實體作品給收藏家，或為自己的NFT舉辦專屬活動，增添其附加價值。
35.另一方面，藝術家出售代表作品的 NFT後仍然可以保留作品的版權，呢對藝術家黎講係比實體藝術品絕對友善得多。
36.一直以來，絕大多數藝術家的收入一般都壓倒性地低，畫作本來就只能賣便宜，而且只能賣一次
37.所以藝術品賣到高價值，都係收藏家自己獨享了大部分利潤，藝術家在賣了作品後己完全分唔到。藝術家NFT 可以保留作品之後每次轉售的收入(我地叫呢做版稅royalties)，每次作品有進行轉讓交易時，佢都可以有持續式收入。呢對藝術家幫肋實在太大了。
( 後記： 自從Blur NFT平台成為熱門marketplace 後，royalties 最低只有0.5%. 雖然買賣NFT 的金額多了，但percantage 已大大減少）
38.以音樂家為例，藝人一般會簽約唱片公司，拜託公司幫忙做行銷，宣傳和安排工作。相對地佢地要付出收入裡一大部分提成比唱片公司。
39.NFT商業模式令音樂家可以直接接觸到自己的粉絲，同粉絲建立更直接互動的關係。唱片公司跟音樂人一直處於唔對等關係，不是一線歌手的話，好多時連生活都成問題
40.唱片公司有好多限制, 音樂人要接其他工作並不容易。NFT 令音樂人有了更多話語權，有更大音樂創作的空間。可以免除唱片公司, 其他中介平台不成比例的分潤提成。
41.遠的不說，香港有Hanjin陳奐仁最早推出NFT黎做音樂上新模式的試驗。現在唔敢講NFT 呢模式已穩定同可以成為主流。但我相信未來音樂人，藝術家都必然需要探索如何用區塊鏈，NFT行出自己謀生，實現理想的路。
42.陳奐仁曾接受訪問時公開提及過：「大部份音樂家連租金也賺不到。在美國這世界上最大的音樂市場，99.8%已注冊音樂人的收入低於貧窮線。很自然地，在美國以外情況只有更差。」「當NFT出現，對我來說那就像一個前所未有的可行解決辦法。」
NFT用處二: 遊戲和元宇宙
43.隨著新冠疫情全球大流行同埋宅經濟抬頭，人們花喺虛擬世界的世界越黎越多，花喺現實世界時間越黎越少，傳統公司業務受到好大衝擊。公司們都迫切地開始左數碼轉型。好似hktv mall 咁，網購平台業務之前一直都推唔郁，因為疫情ge 關係令人人們習慣左網上購物同消費，股價亦喺同期創新高。
44.大公司想實現新的客戶體驗, 新穎的網上銷售和營銷渠道，黎創造新的商機，吸納年輕一代用戶。所以就瞄準了未來十年的大趨勢： 元宇宙。
45.就好似Samsung早前喺Decentraland開了元宇宙概念館做發佈會黎做新型市場營銷。在講解新產品後，完成任務就可獲得虛擬角色的衣服和頭盔，而這些限量nft 可喺二手市場買賣。
46.咁究竟咩係元宇宙? 元宇宙可以理解為一個全新的去中心化生態圈，一個新的感觀體驗。元宇宙係一個相對模糊的概念，但簡單黎講包括了5個要素，包括content； 如AR, VR 硬件設備；需要強大雲端算力/區塊鏈/高速互聯網(5G/6G)黎支持; 社群和新的數碼貨品支付的代幣(有專家亦指出元宇宙同人工智能，物聯網有好大關聯）
47.隨著元宇宙的發展，以上5個要素行業都會有飛耀式商機需求。現況黎講好少公司專門做元宇宙，但越黎越多公司會從傳統行業跨界從線下帶到線上互動黎做。NFT就係元宇宙裡可以用黎交換買賣的數碼商品。NFT會授予元字宙數字產品擁有權和控制權，在元宇宙中若想要無缝進行交易，NFT 係核心要素。
48.元宇宙係一個集體虛擬共享空間，從社交，購物，開會，什至會有屬於自己的經濟系統。最終極ge 話可以似matrix 或動畫刀劍神域般真實的體驗。
49.喺元宇宙中交易時使用的，不再是我們平時用的法幣，而係會使用佢自己研發推出的平台幣，或用現有crypto 如btc , eth 等黎支付交易。
50.所有現實世界的人喺元宇宙都會有一個虛擬化身Avatar，而喺區塊鏈世界，Avatar 可做成NFT喺市場買賣。喺元宇宙世界裡的服裝穿搭，社交，約會，娛樂，展現個性都係透過個性化avatar 黎做。而家時裝潮流界NFT好多都係用Avatar 咁黎做。
51.此外，NFT還將幫助更好創建元宇宙遊戲。隨著新的加密經濟模式如雨後春筍般湧現，如GameFi 裡常有的Play-to-earn模式，NFT在元宇宙中的作用將變得更加突出。
52.GameFi最著名項目有竉物世界戰養成戰鬥遊戲Axie Infinity, 行路work to earn 做運動賺錢的Stepn等. 當中每隻竉物Axies 都係一隻NFT，可以打怪升級。
53.未來元宇宙需要確立人們喺web3中的真實身份。做法上可以透過實名認證係本人，加上NFT不可篡改的特性，有效防止元宇宙中的身份盜竊，虛假身份和數據操縱。
54.元宇宙發展而家仲喺係一個好初步階段，除左商業模式，硬件同其他技術都要配合到先得，就似去到而家5G都未完全普及。網絡運算底層唔夠勁ge 話玩落起格或lag 機就無癮啦。所以而家元宇宙好似早期互聯網，仲有好大發展空間。
（後記： 最近香港元宇宙平台Meta 12積極推動元宇宙，香港藝術節進駐了打造香港首個元宇宙藝術劇院！元宇宙藝術劇院現已率先播放3套藝術節線上節目，包括《混序維度》、《像她們這樣的女子》—舞蹈歌劇《兩生花》創作紀錄及音樂劇《日尚未新》)
總結：
科技發展永遠都係領先過社會普及應用，區塊鏈技術面世左超過20年, bitcoin 喺十多年後先成為第一個落地應用。NFT市場而家都係喺發展緊起步的階段，未來幾年仲有好大空間去落地發展。
下一篇會講NFT點解咁hit，有咩好同唔好既項目cases，應該點樣分辨一個項目係認真定rug pull
我和朋友亦開始了在twitter spaces上搞定期的語音交流，歡迎大家關注https://twitter.com/Laitony369